李思捷、吳幸美、王從希、麥德羅等前晚出席於銅鑼灣喜記舉行的「辣蟹之王爭霸戰2009」，眾嘉賓品嘗名廚喜叔炮製的辣蟹及多款新系列菜式。李思捷表示既無辣不歡又好食蟹，笑言已洗定手「擦蟹」。問他會否親自炮製，他謂：「唔識，我通常都係煮啲鬼佬嘢，平時出街食多，阿媽煮飯就會返屋企食。」
問他揀女友會否要求懂烹飪，他笑謂：「呢啲唔強求，都係睇樣同人品先，（識煮嘢通常人品好！）邊個話呀！如果佢識煮但係又煮畀好多男人食咪好大劑。」
王從希與男友王維德齊齊出席，王從希表示自己最愛吃辣，更經常到此店幫襯，問她是否吃辣減肥，她說：「一來啦！二來自己食慣咗。」王從希表示現時簽了亞視，更不時會返大陸登台。
