方力申與林莉昨為三洋攝錄機拍硬照廣告，以短裙示人的林莉大騷長腿，期間不慎走光。小方自爆平日拍了不少私密相及短片：「我習慣記憶卡用完收喺夾萬，從來唔借畀人，（乜嘢相要收得咁密？係咪鄧麗欣？）唔係，係同朋友影嘅相，男女都有，同埋我以前女友啲相。（係咪Rainbow事件存陰影？）唔係，盡量避免啲相漏出去，我覺得男藝人都要守身如玉，去沙灘影相都應該要着番件衫。」
林莉則從容談走光：「走光咩？我有打底，廣告中要騷長腿，最近我瘦咗，臀部都細咗。（酬勞可觀？）我以為五位數，但經理人話有六位數。（全心進軍模特兒界？）行騷啱我多啲，雖然依家多靚模，但競爭不嬲都大，（佢哋成日拋胸。）最緊要係搵啱自己嘅路，我希望走時裝界路線，靚模畀我嘅感覺，係藝人味道重啲。」