官恩娜、李璨琛、陸永、應昌佑、少爺占前晚到旺角為配音動畫《冰河世紀3大威龍駕到》宣傳，其中官恩娜表示初初知道要到旺角工作，感到十分驚慌，皆因近日旺角又發生高空掟腐蝕性液體事件，難怪她表示有意戴帽出席，以防萬一。
官恩娜說：「知道要落旺角，初初都好驚，原本諗住戴帽嚟，做定防護，不過原來去朗豪坊呢頭，唔會有事，呢邊都安全嘅。（多唔多落旺角？）少啲嚟，對上一次嚟都係為做嘢。（如果畀多啲酬勞，敢唔敢去行人專區？）唔關錢事，不過都呼籲各方朋友去捉掟腐蝕性液體嗰個人，快啲捉到呢個社會敗類。」
李璨琛對於有周刊指好友陳子聰因有外遇，被妻子何超儀趕出門口一事，李璨琛聞言即謂：「唔係嘛，畀人趕走咁大鑊，應該唔係真嘅，佢哋平時好恩愛，天生一對，子聰試吓有艷遇吖，耳仔都扭甩佢。」