後日（18日）便是王菀之（Ivana）的生日，日前她跟歌迷提早慶祝，歌迷特別送她火星肖像卡通漫畫蛋糕，加上噴火蠟燭令她驚喜，Ivana笑說：「歌迷每年都會以『ivana歌迷會』名義做善事當禮物送畀我，舊年係助養宣明會兒童，今年則在內地捐錢給有需要地區建水井。」每次收到這些禮物她都好感動。
今年Ivana還收到兩封來自日本及法國歌迷的信，她笑說：「佢哋話經朋友同網上聽到我啲歌，雖然唔知我唱乜，但感覺好震撼，日本歌迷仲話為我開始學廣東話。」即將踏入卅歲的她，計劃會搞個大型生日會，緋聞男友張敬軒已答應贊助，她笑說：「我將銀行戶口畀咗佢，等佢自動過數，多謝晒佢，我好滿意。」生日願望是搵多些買大屋，因為家中似籠屋堆滿雜物。