杜絕閒話‧禁說粵語

于師傅是正宗上海人，不諳廣東話，為怕有人說他半句閒話，遂勒令在學校範圍內，只准以國語交談，不論蓄意或無意甩出半句「外語」，一律「藤條」侍候。

于師傅先「聲」奪人，七小福莫敢不從。不過洪金寶、成龍、元華、元彪等人又豈是泛泛之輩？人人為着偷懶，甘冒捱打之險而揸流攤，掃堂腿永遠都只掃一半，倒豎葱時借欄依附，欲逃過師傅法眼。

然而，薑是老的辣，于師傅吃的鹽比他們吃的米還多，七小福又豈能輕易得逞？于師傅經常扮打瞌睡，一雙「天眼」半開半合，只要有弟子稍一疏懶，師傅便突然醒來，蛇王者惟有付出捱打的代價了。

奀皮仔元華說：「嗰時師傅一邊睇報紙，一邊住我哋跑圓場，跑圓場要配合造手，攰到爆，我哋咪趁佢睇報紙嗰陣，放低隻手囉，點知原來佢喺報紙篤咗兩個窿，實我哋，幾蠱惑呀！」

二師姐元甫也曾領教過恩師的蠱惑招：「有時佢會戴住副太陽眼鏡睇我哋練功，又郁都唔郁喎，以為佢瞓咗，點知原來係陷阱。」

其實于師傅堪稱梨園「占」士邦，當年已懂得運用科技監察弟子的一舉一動，猶如特務，元彪說：「佢好鍾意用收音器偷聽我哋嘅動靜，睇吓我哋有冇傾偈或瞓覺，不過我哋都唔笨，一聽到啪一聲，就知道師傅開咗喇叭，咁我哋就聲尾都收埋，有時仲會用毛巾笠住個收音器。」

軟硬兼施‧勝券在握

于師傅除體罰立威外，也會打心理戰，他深知七小福愛面子，受軟不受硬，所以經常把金句掛在口邊，好令眾徒聽教聽話，譬如「吃虧就是佔便宜」、「師傅領進門，修身在個人」、「如果你想吃蹦蝦兒，就給我好好的跳」……諸如此類，口術一出，任你多叛逆也會心軟，便乖乖的聽師傅話。可以說，不管徒弟多頑劣，于師傅早已智珠在握，穩操勝券。（六）