祖名連走兩場為新片造勢，前晚出席「花木蘭之夜」後，昨又亮相英皇新片《追影》記者會，由於《追影》的導演吳鎮宇為加插爆笑場面，找來「Ａ貨成龍」、「Ａ貨周杰倫」及「Ａ貨李連杰」等客串，更有場集齊「全老翻」在場的戲掀起電影高潮。祖名昨日談起有幸與「老竇」同場時不禁笑謂：「我冇乜感覺喎，因為知道真正嘅成龍係點，反而覺得扮李連杰嗰個最似，我仲以為李連杰真係嚟咗探班。」近日成龍被屢傳死訊，祖名不怒反笑謂：「我睇過佢條生命線，不知幾長呀，我淨係信屋企個相士講嘅嘢啫。」

與Fiona床上激吻

對於兩場活動全程被吳佩慈、趙薇及謝娜等靚女拍檔包圍，祖名卻「心繫」身在香港的Fiona，更自爆近日與對方合作拍新戲時，有機會一親香澤：「當晚喺張床度咀到好熱，因為拍戲現場唔可以開冷氣，打燈又打到好㷫，我都係臨急臨忙食香口膠準備咋，仲ＮＧ咗幾次。（特登ＮＧ？）係Fiona講對白漏口咋。（要求導演加戲？）我叫導演cut，但佢話有加冇減。（有冇着衫？）有，我哋冇打算走李安路線嘛。」令全場爆笑。

趙薇代陳坤致歉

祖名又坦言早前返內地拍《花木蘭》片最感辛苦，《花》片女主角趙薇對此相當認同，前晚更再次向記者訴苦稱每天拍戲不是打仗便是騎馬，不過她說：「老闆已有開拍第二集的打算，我覺得自己的心理質素應可應付得來吧。」而《花》片男主角陳坤因工作未能參與盛會，趙薇不怕緋聞炒作，公開代對方向各方致歉。