【呂曉風澳門直擊】胡杏兒日前與日籍混血男模Hale為新歌拍MV，期間男模主動加戲，向杏兒「手多多」攬腰搭膊，問她有否被嚇親？她尷尬說：「可能外國人熱情啲！」
胡杏兒日前在澳門金沙酒店為新歌《戀愛妄想》拍MV，並找來六呎高的日籍型男Hale任男主角，導演要求二人在鏡頭中擦身而過，以及背對背。
感勢色不對
不過，Hale埋位時突然加戲，向杏兒大施冧功熱情送暖，先輕撫對方香肩，又借意攬腰，當時杏兒亦感勢色不對，於是見招拆招，並以一招「雙龍出海」推開男模，拍完後更尷尬彈開。
杏兒事後表示，當時不知對方突然加戲，問她可感尷尬？她說：「少少，不過佢頭先同我傾偈，話自己好想做導演，可能佢想個MV效果好啲先至咁。佢都唔係好過分，可能外國人熱情啲！（驚唔驚黃宗澤呷醋？）哈哈，都係做嘢啫。（下次搵佢做男主角？）應該唔會，睇吓公司安排囉。」
小心揀男友
雖然杏兒被Hale嚇窒，她亦大方讚對方有型靚仔：「佢係日本、以色列混血兒，真係幾靚仔，（有冇試過被老外追求？）以前喺外國讀書，點都有人追嘅，不過依家揀男友，唔會淨係睇外表，要有上進心同內涵先得。」