前晚亦有為Rain時裝騷行騷的莊思敏，昨日出席法國婚紗騷時表示：「我冇去佢個after show party，以為Rain咁夜唔會去，所以我冇去，點知佢有去，真係揼心，如果唔係可能可以同佢合照。」她又自爆被大會嚴禁接觸Rain，她說：「其實我只係綵排時見過佢一次，到演出時先真正同台。大會人員一早同我哋講咗唔好掂到佢。（咁有巨星風範？）佢自己冇嘢嘅，係佢身邊啲人緊張。（驚整親佢要賠償？）唔係，不過我唔敢掂佢，連眼神接觸都唔敢。」
另外，為頒獎禮擔任頒獎嘉賓的黃宗澤表示未試過行婚紗騷，但不介意與緋聞女友胡杏兒情侶檔演出，因早已拍過廣告婚紗照。
