《標殺令》老牌男星大衞卡列甸意外身亡，一眾與他合作過的電影人均感惋惜。曾與大衞在《標》片合作過的袁和平及劉家輝均對此感突然。
劉家輝：「我同大衞喺北京拍《標》共處一個月，我哋都有傾過偈，知佢自己喺美國有組樂隊。佢個人好開朗，唔覺意志消沉。今次意外，可能係藥物影響。我覺得佢功夫了得，絕對係『鬼佬關德興』。」
袁和平：「佢嘅死嚟得好突然，我同佢合作完《標》之後都冇咩聯絡，所以同佢都唔係太熟。不過我喺片場都見過佢飲好多酒，所以今次意外我估係飲醉造成。」
白靈：「我唔相信佢自殺，佢同我講過佢嘅事業只係剛剛開始。」