前晚BVLGARI活動，特別邀請林嘉欣、鄭伊健任嘉賓示範價值2,600元的銀戒指，而此戒指收入將有20%捐作救助兒童會，同場還有姚書軼、榮雪梅及剛由美國回港的Ana R.等。Ana透露父母早前遇上車禍，她說：「當時有兩個年輕女仔懷疑食咗毒品開車，極速咁撞落父母架車度，依家兩個女仔仲昏迷緊。」Ana透露早前一直未能聯絡母親，才從弟弟口中獲悉意外：「但我當時有工作唔可以即時去，好擔心，日日喺屋企喊。父母依家出咗院，但媽咪傷頭仲有問題，爹哋腰傷仲痛，希望一切都OK。」她又稱母親有兩門生意，怕弟弟未能兼顧，故下月可能會回美國幫手打理生意。

伊健展示手上的銀戒指。

姚書軼透露與男友感情漸好。

姚書軼逢周末拍拖

同場的姚書軼完騷後表示趕返家與男友撐枱腳：「我哋分開住之後約定逢星期五、六玩煮飯仔，感覺幾好，有番拍拖感覺，傾電話都有話題。」但她卻又稱因兩人有問題才分開住：「依家睇下有冇得解決，解決咗都會住番一齊。（冷戰？）情況又未至於咁樣，只係一齊生活得太耐先冇火花，如果有一日要分手，會係好遺憾。」

文：名人組