一連三日在會展舉行的婚紗展，昨日大會邀得William出席，在台上與fans玩遊戲和跳舞。由於Baby在同場為法國婚紗行騷，未知William會否相約之後齊齊走？William說：「我之前有打畀佢，但時間係一前一後唔會見到，我仲同Baby講話你可以睇到我跳舞，隻新舞佢都未睇過。」不過他繼而表示因有工作在身，不能留下睇Baby行處女婚紗騷，被問到會否想做她的另一半？他說：「暫時唔諗住。如果有公司搵我哋行婚紗騷唔抗拒，但希望大家將注意力放喺工作。」至於同Baby的關係，他說：「仲係朋友，（降grade喎，之前話係好朋友？）『好』字令人有不必要嘅誤會，所以叫番朋友啦。」

陳偉霆	William昨日出席活動時又大顯身手。

承認私下有聯絡

另一邊廂，Angelababy與莊思敏等首次行婚紗騷便與緋聞男友James挽手出場，她表示睇海報才知與William同場，亦無收到對方電話，她笑着暗寸問：「佢係咪打錯？」不過，Baby同樣表示希望大家將注意力放在其工作上：「我哋係朋友關係，不過報道出咗有打畀佢傾番。（想唔想一齊合作行騷？）等公司安排。（去日本發展所以唔准拍拖？）冇條款寫唔准拍拖！」

莊思敏與其他女模齊展示多款高貴又大方的婚紗。	放大圖片	Angelababy與緋聞男友James挽手出場，女方更謂首次行婚紗騷有幸福的感覺。

「新歡舊愛」難比較

被問到William同James誰較靚仔，她笑說：「一個係識咗好耐嘅朋友，一個係師弟冇得比。我會去睇Rain演唱會，（William畀飛你？）唔係，我知佢有份表演。」

文：名人組