溫雅妍（Crystal）是「八模兵團」其中一名成員，她將聯同新邦民女陳嘉寶、Annie G.、A.Lin、DaDa Lo等推出《Girl's look book》（暫名）的寫真集。她透露會首度穿三點式上陣：「我平時好少着泳衣，以前都有朋友叫我參加港姐，但自己怕着泳衣上台，所以冇參加。不過今次影寫真集只係健康性感，拍之前都盡量唔食嘢，保持最佳狀態。」
近期靚模競爭激烈，但Crystal一於冇有怕：「唔怕，大家路線唔同，各有優點取勝。我喺澳洲留過學，見識可能會多啲。」此外，Crystal最近接拍了益力多廣告「貧窮篇」，飾演母親的她要即場流出真眼淚，她直言難度極高。她說：「拍之前好擔心，驚喊唔出累街坊，好彩一埋位諗起啲傷心嘢就即刻入戲，非常順利。」
服裝、場地：Killah