林一峰事隔三年再出國語碟，在金融海嘯衝擊下，依然不惜工本自資50萬，一口氣收錄22首歌推出雙ＣＤ《去路》和《歸途》，竟不分兩次出碟買保險，雖然被取笑是傻仔，但一峰卻堅持信念：「呢個係我心願，想做一個好完整嘅音樂故事。」
碟內22首歌曲都是出自一峰手筆，《去路》講旅行，《歸途》講回家，喜歡周遊列國的他，遊經瑞士、蘇格蘭、澳洲等國家時，還用ＭＤ錄下各地的環境聲音，包括教堂莊嚴的管風琴、蘇格蘭鬧市的風笛、街頭的馬戲團等，編錄在歌曲之中，配合主題。
一峰笑說為了填補開支，將於６月24至27日在藝術中心舉行《山谷裏的一峰演唱會》，還親自發掘了北京民歌組合「小娟與山谷裏的居民」來港合作開騷：「佢哋係一女三男組合，兩年前喺北京聽佢哋唱歌，佢哋嘅歌聲可以淨化心靈。（怕唔怕太冷門影響賣飛？）唔驚，主要目的係介紹佢哋畀香港朋友認識，依家已經賣緊飛，反應唔錯。」