鄭嘉穎、佘詩曼、楊怡及無綫高層樂易玲昨晨出發往首爾，出席歌唱比賽及擔任表演嘉賓。嘉穎坦言想進軍多一個巿場，到韓國發展，他說：「成日睇韓國啲劇好犀利，希望港劇喺嗰邊威番轉頭，今次我都會上台唱歌。可惜自己有排都未到開演唱會階段，所以都好戥林峯開心。」

搵楊怡擋箭牌

剛拍完劇集《宮心計》，他渴望此劇快推出，但他明白主角都未必可以跑出，很多時都要講際遇，他更謂：「我好信周星馳講，做演員喺街見到乞丐都要留意佢一舉一動，有助演戲。」問他此行會否趁機與阿佘shopping，他笑謂：「呢啲緋聞我唔介意，都傳咗好耐，冇啲新意，應該今次傳我移情別戀，移情楊怡咁先有新意。」

樂易玲斟合作

另外，阿佘亦同聲同氣表示不介意傳緋聞及被講閒話，她說：「去嗰兩日，都冇辦法去街啦！我依家凈係擔心豬流感，因為冇戴口罩，希望冇事。」而樂易玲坦言此行有重大任務，為藝人打開巿場，促成兩地藝人合作，她坦言嘉穎、林峯等在韓國都很紅，當地都想找他們拍劇，但言語方面是一大問題。