轉戰幕後當音樂人的阿敬，日前被讀者陳小姐爆料及附上照片，陳小姐聲稱目擊阿敬和長髮、身材豐滿、相識年多的親密女友，在兩周前於跑馬地Basement酒吧內，和一班友人齊消遣，期間兩人因事起爭執，阿敬的女友突然用手臂揮向身邊的阿敬面部，相信女友出手又勁又準，阿敬食正女友的「鐵臂硬槌」，痛到臉容扭曲，要用手遮面，同場的眾女友人亦目擊整件事，令阿敬男人尊嚴盡喪。

否認受襲

記者昨日就事件致電向阿敬求證，電話中的他多番否認遭「野蠻女友」槌打，並似失憶的說：「我間中都有去嗰度飲吓嘢，但冇印象被女友打喎，冇呢件事、黐線、神經。（平時女友對你溫唔溫柔？）一時時啦。」

結婚拖住

然而，阿敬得知有相為證時，卻表現愕然，但依然口硬說：「吓？可能玩之嘛，我諗唔係大劑嘢。」阿敬強調和女友感情好，還打算齊齊到泰國旅行，但問他何時結婚？阿敬就話：「遲啲先啦。」

文：音樂組