古巨基昨日首次以英皇歌手身份出席活動，與好友蔡卓妍（阿Sa）齊齊為慈善出力，雖然早前基仔被指與鄭中基（Ronald）不和，令Ronald緋聞女友阿Sa左右做人難，不過昨日所見，基仔和阿Sa十分投契，絕無面左左。
剛加盟英皇的古巨基，旋即獲公司安排工作，昨日下午與好友阿Sa現身北京釣魚台國賓館，為流動圖書車捐贈活動擔任嘉賓。轉會後首次出席活動，基仔坦言沒有特別大的轉變：「可以同咁熟嘅朋友一齊做嘢，零舍有親切感。（阿Sa今日係你同事喎！）其實同阿Sa都識咗好耐，大家好好朋友，所以無特別覺得係同事，好似平時做嘢咁囉！」
力證友情不變
阿Sa亦大讚與「新同事」合作有默契：「同基仔一齊做嘢好開心，今日個活動好有意義，好期待去四川嘅探訪之旅！」雖然早前基仔被指與鄭中基不和，令Ronald緋聞女友阿Sa左右做人難，但活動上二人有講有笑，以行動力證友情不變。
當地出版社邀請基仔與阿Sa擔任「榮譽圖書館館長」，向世界各地如美國及香港等捐贈流動圖書車，其中三輛流動圖書車更會捐到四川，他們月中便會隨流動圖書車到當地逗留數天，探訪災民及小孩。
準備廣東大碟
基仔和阿Sa更獲大會頒贈「四川榮譽好市民獎」以作表揚。基仔謂：「頭先睇過架圖書車，真係有好多書、好豐富，出版社喺文化同書籍上做捐贈，我就諗緊帶啲文具同玩具去，等四川啲小朋友喺心靈同文化上，同樣得到安慰。」完成活動後，二人隨即回港，基仔透露將為全新廣東碟作準備。
文：音樂組