本文重點
Edison昨午出巡到銅鑼灣的新公司視察，並與經理人公司的同事見面，似乎為復出鋪路，穿tee揹袋的Edison因心急落車，搞到一邊衫袖反起露出麒麟臂，他見到相熟的記者時say hello兼豎手指公，表現友善。之後，他的大家姐Olivia及好友徐濠縈陸續出現，期間工作人員搬了多袋紙皮箱、電腦入內。
約三小時後，Edison換了格仔衫離去，記者問他是否和女友楊永晴分手？Edison沒有回答，再問他是否向黃秋生、劉偉強請教開公司？他說：「你唔好再講，我驚講錯嘢。」
人離鄉賤
另邊廂，劉偉強直認曾秘密與Edison食飯，還踢爆對方想留港發展：「唉！人離鄉賤，返到嚟一定有感覺。」記者指Edison曾講過永久退出香港娛樂圈，劉偉強即啞口無言，問會否設計角色給Edison？他說要睇時機。
此外，對於Edison接受ＣＮＮ訪問並講及慾照事件，其經理人管小姐說：「法庭案件完結咗，佢想講自己對成件事嘅感受，之後唔會再提。（Edison返香港娛樂圈發展？）應該未有計劃住，如果香港導演肯用佢，當然開心啦。」