陳冠希（Edison）因慾照風波避走外地一年多，期間被張栢芝力斥他貓哭老鼠假慈悲，日前Edison秘密回港，更在CNN訪問中首度公開向栢芝道歉，栢芝一於懶理，昨日與囝囝海灘暢泳家庭樂。
戴罩着裙冚身材
昨午約三時，戴着口罩的栢芝抱着Lucas與家姐戴碧芝及女兒等人，齊齊在赤柱舂坎角沙灘游水，栢芝家姐碧芝三點式上陣，栢芝在泳衣外罩一條吊帶粉紅色沙灘裙，遮掩了美好身段。期間栢芝拉下口罩，抱着僅穿尿片的Lucas下水暢泳，母子在水中游了約十五分鐘，栢芝便抱兒子上水，與碧芝的囡囡一起堆沙，心情大靚的栢芝還不時與同行友人及家姐合照，樂也融融。
過去啲嘢唔再提
一行人在沙灘逗留個多小時後便離去，栢芝率先抱着Lucas到更衣室沖身，家姐則負責執拾細軟。沖身後栢芝圍上大毛巾，沿途步往乘車時發現記者在場，她一臉愕然頻頻低頭避鏡，在旁的男友人亦拿起滑水板為她遮擋鏡頭。當記者表明身份後，栢芝友善又禮貌地說：「因為呢排都落雨，見今日天氣好，咪同Lucas嚟游水囉。（霆鋒喺內地拍劇陪唔到你？）我遲啲會同Lucas上大陸探佢㗎。」問到陳冠希回港，有否影響其心情？栢芝似有備而戰的說：「過咗去啲嘢唔好再提。」對Edison有否致電道歉？栢芝未有回答，耍耍手便急步上車離開。
事後本報再致電栢芝問及Edison在CNN訪問中道歉一事，她只說：「唔回應。」
另外，栢芝日前到台灣為好友「黑人」陳建州、范瑋琪發起的關注癌童活動拍攝宣傳照，談到癌童時她不禁眼濕濕，對很多小朋友的父母辛苦去賺錢，十分感動，更多謝黑人及范范，要不是他們，她不知道如何聯繫那些小朋友們。
攝影：追蹤組