梁詠琪（GiGi）早前到紐約拍攝唱片封套，為配合跳躍效果，身形高挑的她在鬧市中狂跳過百次，弄得腰痠背痛，而對紐約街道瞭如指掌的她，每日都化身導遊帶領一眾工作人員四處遊覽及品嘗美食，獲封「高妹導遊」！
GiGi早前獲唱片公司斥資六位數到紐約拍攝新碟唱片封套，連同她在內一行十多人浩浩蕩蕩飛到紐約，獲某品牌贊助服裝的她亦帶備多篋最新春夏新裝前往，在拍攝旅程的其中一天，身穿一襲釘有條子連身裙的GiGi，為配合動感效果，故應攝影師要求在紐約鬧市中跳起，為求盡善盡美，GiGi狂跳過百次面不改容，但事後卻感到腰痠背痛，GiGi笑笑口謂：「我喺條街係咁跳，搞到啲人眼望望，佢哋可能以為我傻咗！」
參觀藝術館
而到過紐約多次的GiGi，於每天拍攝工作結束後，隨即由歌手身份化身導遊，帶領工作人員遊覽各個名勝古蹟及品嘗地道美食，GiGi興奮表示：「做嘢嘅時候我哋為咗慳時間只有叫外賣食，辛苦完一日梗係要去食好嘢啦，而且有好多工作人員都係第一次嚟紐約，所以我負起導遊呢個職責帶佢哋周圍去，不過最後一日嗰朝早我就一個人去咗藝術館參觀，仲喺附近跑步，個環境好正㗎！」事後GiGi還被工作人員封為「高妹導遊」呢！
酒店具特色
GiGi今次食宿均由公司包起，其下榻的酒店亦十分有特色，房間有條長樓梯通往樓上睡房，當站在樓梯旁更可任意拿牆壁的書籍看，而下層則是客廳，設計特別；GiGi在當地均乘坐出租車或的士出入，但原來這兩種交通工具尚算便宜，她說：「我哋見當地有人力車諗住試吓啦，點知仲貴過搭的士，不過人一世物一世都有試到！」
文：音樂組