嘟嘟入圍四大八婆

鄭裕玲(嘟嘟)、曾華倩、鍾慧冰、林建明等昨日出席無綫節目《星星同學會》錄影,而主持人吳君如甫出場即笑指幾位姊妹做「四大八婆」,期間君如除了大爆嘟嘟係渴望愛情的小女人之外,又指嘟嘟身形肥咗,笑問嘟嘟是否得到愛情滋潤?搞到嘟嘟啞口無言,場面搞笑。

事後嘟嘟對此表示:「依家冇愛情滋潤,多謝關心。(擔唔擔心君如會追問你?)我有我方法解決,唔使驚。(你係咪渴望愛情嘅小女人?)個個都渴望愛情,見阿姐(汪明荃)結婚咁開心,人人都想完美啲,有個伴咪開心,冇伴自己一個都開心。(如果同呂方復合會唔會公開?)唔公開喇。」

另林建明席上表示依然頭痛不適,她說:「依家我一日只可以做一件事,不過好難得咁多代同堂(其他三位嘉賓),希望快快趣趣錄完。」