人氣網站ontv除有精彩新鮮的娛樂新聞外，還有紅人明星專訪。蔡卓妍（阿Sa）日前接受ontv的《娛樂on Show》訪問。阿Sa曾與吳尊及賀軍翔（小美）等帥哥合作，她大讚吳尊是完美男子，而小美則是「男孩加男人」的俊男。
ontv除了娛樂新聞夠堅夠快外，藝人專訪亦是收視保證，難怪點擊率屢創新高！阿Sa的新專輯《二缺一》銷量理想，令她注下強心針。日前阿Sa接受ontv的《娛樂on Show》訪問，與主持俞詠文和陳振安言談甚歡。
吳尊似漫畫角色
阿Sa曾與吳尊、賀軍翔及鄭伊健等型男帥哥合作，可謂「艷福不淺」，她逐一品評合作過的對手，她說：「伊健似大哥哥，我哋關係似大佬同細妹，而且我同伊健係有啲似樣。（吳尊？）佢係一個完美嘅人，似漫畫角色裏嘅男主角，五官標致。（小美？）佢集合咗男仔同男人嘅特質，可以好Man，但有時講嘢又衰衰哋，會窒吓你。」問阿Sa會揀小美還是吳尊做男友？阿Sa表示：「好難答喎，可唔可以唔揀？」主持即取笑阿Sa喜歡單眼皮男人，她即作狀滴汗，甜笑不語，因她的緋聞男友鄭中基正是單眼皮。
入行十年冇慶祝
適逢明年是阿Sa個人入行十周年，後年則是Twins入行十年，問她有甚麼慶祝大計？阿Sa說：「未知，以前我好鍾意計劃，但依家就冇呢個諗法，試過計劃咗啲嘢，但因為一啲突如其來嘅因素而完成唔到，心情仲衰過唔計劃嗰陣。」想知道阿Sa與帥哥型男的合作過程？想八卦阿Sa會否角逐今年新人獎項？那就萬勿錯過《娛樂on Show》啦！
採訪：專案組