憑36Ｄ身材極速上位的趙碩之，去年「峰」頭一時無兩，但隨着猶如雨後春筍的一眾靚模各出奇招搶灘，令趙碩之頓成前輩，她說：「其實我入行都未有一年，我唔介意人哋將我同靚模比較，至於靠身材出位就各有各睇法，有公司會覺得係一個方法等人認識你，都公平嘅，其他人有呢個機會我都戥佢哋開心。」雖然她不介意美好身段成為話題，但將焦點集中在其胸部卻為她造成困擾，因為怕身材走樣，故要花上更多時間加強護理。
趙碩之又直言與經理人協商後決定「封胸」走另一路線，計劃未來以拍電影為主。為埋首工作，她暫時拒絕異性埋身：「依家冇人追，但我係天蠍座，一向比較自我，覺得未係時候拍拖。」
攝影：司徒國榮
化妝：Momo Chow
場地：D DIAMOND