近來多位E Cup(口靚)模「胸」降，令出道初曾以D Cup身材出位的「動漫Maggie」李曼筠風頭被搶。痛定思痛的她決心發憤突圍，雖「Cup不如人」，但自信真材實料的她表示：「身材係天生，除非假波！」暗寸有人身材非真材實料。
繼去年趙碩之及「E Cup Baby」劉欣宜（Miyoko）崛起後，最近又有椋名凜（Rin）及鍾蕙芝（Lavina）兩位E Cup戰士加入「胸戰」行列，令曾以34D—25.5—34魔鬼身材成功搶灘的「動漫Maggie」李曼筠聲勢大不如前。近排多位(口靚)模均表態會出寫真谷人氣，但入行三年的Maggie仍只在默默耕耘。
做好自己避是非
對於曾雄霸一時的D Cup被「E Cup胸軍」擊潰，她只能無奈表示：「我不嬲都唔鍾意同人爭，我都冇乜點理其他是非，呢啲嘢都唔到我控制，我一直都只係想做好自己就算，出面啲是非我唔會理。」
現今(口靚)模界競爭激烈，(口靚)模各有賣點，除「E Cup胸軍」外亦有賣靚樣sell可愛之輩，令Maggie腹背受敵。面對險峻形勢，未能殺出血路的她大感沒趣說：「每個人都有自己嘅特色，身材係天生，除非假波！」似暗寸(口靚)模界中有人「打假波」，不過Maggie聞言即加以否認：「千祈唔好咁講呀！只係假設咋！（咁你係真定假？）梗係真啦！」
瞓士多啤梨影相
問到Maggie有否視「E Cup胸軍」為假想敵，她斷言表態沒有，又指自己只視舒淇為偶像，因她夠女人味，最喜歡她的嫵媚眼神。Maggie表示暫未有打算像初出道的舒淇般拍三級片，不過她透露將會出寫真，並已想好絕世好橋力敵「E Cup胸軍」：「我會着三點式瞓喺士多啤梨上面影相，呢條橋一定冇人用過。不過依家風頭火勢，最快都要出年先至出，依家修吓身先啦！」
採訪：專案組
攝影：劉智源
場地：數碼港艾美酒店