人氣網站ontv除有名人紅星獨家專訪外，娛樂新聞更是最新最爆及最堅，難怪點擊率屢創新高！日前新一代歌神陳奕迅（Eason）接受《娛樂on Show》訪問，性格率直的他，曾因為無心快語而鬧出不少是非，他表示現時會慎言，以免禍從口出。
唱得、跳得、演得、玩得又talk得的Eason，日前接受《娛樂on Show》訪問，與主持俞詠文及陳振安暢所欲言，細談入行十五年的苦與樂。
無心傷害人
Eason性格率直，曾試過無心快語而闖禍。他說：「原來有時講嘢咁大壓力，我講出嚟係真心話，人哋覺得有傷害性，聽落去有骨，無形中煩到自己。所以依家會慎言，冇得怪我講嘢有保留！始終經驗多咗，好多時答嘢都會答『唔知呀！』。」
「身經百戰」的Eason，對負面報道有另一番見解，他說：「負面報道唔使睇，睇咗唔開心又唔舒服。」雖然Eason曾禍從口出，但由於他是「真」人，難怪入行多年，深得各方疼錫。
喜歡錄音室
Eason表示最喜歡在錄音室錄音的感覺，他說：「因為冇人騷擾我，以前我好怕錄音室，因為錄音時聽到自己啲口水聲，都會好驚，但冇理由為咗避啲雜聲而唔吞口水啩。」
另外，Eason在訪問中又大談對家庭的看法，想知道他與女兒陳康堤如何相處？想知道他會否再有生育大計？想「八卦」他對新歌《沙龍》有何特別看法？就萬勿錯過《娛樂on Show》的Eason專訪！
文：專案組