環球女新人麥家瑜（Keeva）今年強勢出擊，於八月推出處女專輯，近來力谷新歌《不方便的真相》。Keeva不諱言得到同門師兄師姐如陳奕迅（Eason）、謝安琪及張敬軒教路，她說：「Eason教我點樣企位同埋面對現場觀眾，仲有唱歌技巧及感情，真係好受用。」
其實Keeva去年曾經曝光，出席過不少活動，但到今年才正式以女新人姿態示人，問到會否等得很心急，Keeva說：「咁又唔算，呢一年學咗好多嘢，又出席過唔少校園騷，吸收演出經驗，而且識得點樣面對傳媒，對自己有幫助。」
每年均有不少新人，問到會否擔心比較？她淡定說：「唔會，我諗每個人有唔同特質，盡量發揮所長。」
