陳偉霆（William）入行至今甚少傳緋聞，炒得最熱的只有緋聞女友Angelababy。William日前接受訪問時強調，與Baby只屬「好朋友」，惟他坦承對感情事向來專一，未知是否向Baby派定心丸呢？
備受唱片公司力捧的William，今年歌影視三線出擊。他說：「啱啱拍完三部電影，依家做緊《大咕窿》主持，七月會出碟，所以幾忙。」他坦言擔任節目主持是個突破，他說：「我以前做過兒童節目主持，所以有啲經驗，做主持可以入屋，而且訓練到執生技巧同記憶力。」
喜與同志交友
談到和Angelababy的緋聞，William再三表示和對方維持一個好朋友關係，至於和鄧紫棋（G.E.M.）因拍戲而無端惹緋聞，他笑稱：「佢絕對係妹妹，出道已經識佢。唔想有緋聞，大家留意我事業仲好。」
William身形弗到漏，好滿意自己的身材，但不想練得太大隻，只Keep住每晚臨瞓前做Sit Up。問到是否成為同志Icon？他笑說：「我鍾意跟同志做朋友，因為佢哋諗嘢深思熟慮，又冇女仔咁易小器。（畀同志睇中？）咁又唔怕。」
想同城城鬥車
不少歌手如林峯及黃宗澤等，也先後變身「舞林歌手」，會否擔心比較？William說：「香港已經冇乜跳舞歌手，如果再用比較字眼，係唔健康現象，況且大家仍有進步空間。」對於被指為舞台王者郭富城接班人，William謙稱：「大家咁樣講當然開心，但城城喺我心目中無可取替。（恨同城城比舞？）反而恨同佢鬥車喎。」
採訪：German
攝影：吳文聰
場地：韓食家@奧海城
髮型：Davy@Chin.G
化妝：Vena@Beauty Tech