陶大宇英雄救美癱住搞笑

陶大宇、宣萱昨日為新劇拍爆炸場面,大宇英雄救美變癱瘓原本淒美,只是,經兩位搞笑能手重新演繹,又有不同味道。

大宇、宣萱昨為《掌上明珠》在西貢一爛屋拍攝爆炸戲份,劇情講述二人到爛屋交贖款時,被大奸人林保怡埋下炸彈欲將之炸死,雖然二人只受傷未死,但大宇為救表妹,全力保護,以致被木條插中尾龍骨位置,結果下半身癱瘓。原本英雄救美最為浪漫,不過當大宇看到道具木條時忍不住開玩笑:「唔使綁啦,我自己夾住咪得囉!」引得宣萱哈哈大笑。

宣萱被炸彈「壓」傷

而向來烏龍的宣萱也發生笑話,竟然被炸彈「整傷」,話說拍到炸彈從木箱跌落宣萱腳邊時,工作人員把道具炸彈拋向宣萱腳邊,豈料不慎拋中她的腳面,痛得宣萱呱呱大叫,事後還發現腫了起來,她也估不到不是被炸彈「炸」傷,而是被炸彈「壓」傷。

此外,《掌》劇將在月底拍完,宣萱將會「放暑假」:「其實舊年都話夏天放假唔開工,不過歐陽震華親自叫到合作《施公奇案》就繼續拍,但今年唔拍喇,原本約好咗啲舊同學去歐遊,依家甲型流感盛行,可能要取消,都有少少失望,因為要一班人仲帶埋佢哋啲細路去旅行,約咗好耐,真係唔知再有冇機會搞得成。」

文:影視組