本文重點
Soler大哥Julio昨日在活動上，踢爆細佬Dino年初寫歌向女友求婚成功，更計劃年底在港擺酒，對於被細佬爬頭，Julio不甘示弱，笑言不排除會突然宣布結婚！
Julio昨日與周麗淇（Niki）和農夫出席奧海城舉行的「語常會2009年推廣普通話活動之普通話嘉年華」，Julio透露細佬Dino因疲勞過度兼患上聲帶發炎而缺席。而前晚兩兄弟結伴出席有線主播區永權婚宴，問Julio可有引發結婚衝動？他即說：「係都我細佬先，佢年底會結婚！」
香港擺酒
Julio隨即踢爆細佬年初親自寫了一首英文歌向拍拖兩年多的圈外女友Nancy求婚，他說：「Dino寫咗首歌之後仲唱埋畀Nancy聽，首歌遲啲會收錄喺我哋張國語碟裏面。」
Julio續說：「Nancy係香港人，所以佢哋諗住年底喺香港擺酒！」記者追問Julio何時輪到自己？他說：「未知呀，可能我會有日突然宣布結婚！（細佬爬你頭？）邊有爬頭呢啲嘢，反而好戥佢開心！」此外，Soler前晚出席《勁歌》活動，透露稍後會到多倫多宣傳，問到豬流感肆虐會否避免跟當地人親嘴？他們說：「當地人比較熱情，最多面貼面囉！」
Niki浸溫泉豁出去
同場的Niki剛由日本拍個人特輯返港，她透露在當地四處吃喝玩樂及搜購特色手信，回港發覺胖了不少，故要積極減肥，Niki說：「我仲去咗浸溫泉，而且係公眾大池，都豁咗出去，因為日本人唔識我，況且上落水都會用毛巾包住自己，沖涼就返上房沖！」
文：音樂組