側田唔信金牌清洗瘀血

側田、吳雨霏等前晚出席《勁歌金曲》，早前古巨基的續約風波成為娛樂圈熱話，問到身為基仔好友的側田會否覺得公司很亂？他表示不覺得，並謂基仔不續約不會影響彼此的友誼：「都覺得好可惜，我當基仔係大哥，因為係佢帶我入行嘅。（鄭中基指摘佢喎。）兩位都係我阿哥，我只知做音樂，唔識做是非。」有指金牌將清洗搵錢能力不高的藝人如蘇永康及小肥等，側田表示：「可信性好低，冇人會out，我哋個個都有賺錢能力，尤其係蘇永康喺內地搵最多錢！你睇佢成身名牌都知佢收入唔少啦！仲要永冇repeat！」至於Paco調職一事，側田表示Paco是專注電影及升職，亦永遠是他們的將軍、招牌及精神。