英皇天后蔡卓妍（阿Sa）與天王嫂樂基兒（Galie）無懼前日再度襲擊旺角的「鏹水狂徒」，昨日分別現身鬧市出席活動。阿Sa乘坐無上蓋巴士由中環殺入銅鑼灣，沿途更經過不少高樓大廈，完全不放鏹水狂徒在眼內！
阿Sa無懼前日於旺角發生的鏹水彈事件，昨日坐上「無遮無掩」的無上蓋巴士穿梭高樓大廈與住宅，為《櫻桃小丸子之灰姑娘音樂劇》作宣傳。烈日當空下，阿Sa要拿出雨傘擋太陽，認真搵命博。對於鏹水狂徒劣行，阿Sa說：「咁樣做唔好，上次我有朋友都畀鏹水濺到，好彩即刻搵水沖番，不過啲衫褲就穿晒窿！」
安排多名保安護駕
其後，勇字當頭的阿Sa親身「落場」，不怕有人高空擲物，在銅鑼灣無遮無掩的鬧市派發海報與紙扇，大批fans早已到場等候，加上周日人多，街道逼滿人群。若果真的有狂徒乘機高空擲物，後果不堪設想。未知是否怕阿Sa於鬧市出意外，大會安排了多名保安為阿Sa護駕，令她有如女王出巡般架勢。
首次為音樂劇配音的阿Sa大感興奮：「自己好鍾意小丸子，上年試過舞台劇，都想試多次，做啲有關跳舞嘅角色。（想唔想同鍾欣桐一齊做？）好呀，下次一齊。」有指謝霆鋒自組「謝家班」，阿Sa就表示未有聽聞，問到會否支持霆鋒？她說：「係先算，最近拍廣告都見過霆鋒，但自己唔鍾意問人哋嘅嘢。」
樂基兒多招防空襲
另一邊廂，Galie低胸晒背到旺角大型商場出席Neutrogena的記招。由於場地位於商場正中心兼直通貫頂，故亦有一定危險程度。不過Galie很信任公司及大會，事前必會了解情況才讓她現身。Galie更為市民獻計防「空襲」：「行有瓦遮頭嘅地方，戴帽同擔傘囉，仲可以防曬。以後行街除咗望地下，仲要望天。」
此外，詹瑞文昨日到旺角鏹水亂濺的現場舉行活動。他說：「危險嘢交畀警方處理，大膽而開心嘅嘢就我哋做。」從未打算取消活動的詹Sir更高呼：「打倒亂揼嘢！」
文：音樂組