關楚耀年初與女友衞詩在日本因藏毒被捕，後獲釋回港並公開道歉，關楚耀曾表示會閉關思過，但原來他在李克勤提議下，已靜靜到了四川為地震災民服務，實行以行動改過自新。
汶川地震一周年，無綫舉行特備節目《TVB512再展關懷》，以為災民打氣及提醒香港人繼續資助災後重建，除了譚詠麟、陳奕迅（Eason）、古巨基、楊千嬅、李克勤等歌星外，無綫拍攝中劇集也暫時停廠，讓一班演員包括宣萱、謝天華、苗僑偉等能抽空支持。
將會長時間逗留
關楚耀「契爺」譚詠麟與李克勤昨晚戴上紅領巾壓軸演出，事後阿倫透露紅領巾是早前到什邡市探訪時，小學生送給他的禮物，並請他轉送另一條給去年有份去探訪的關楚耀。問到契仔是否閉關思過，阿倫說：「唔係，其實佢跟其他慈善團體去咗四川，大家唔好騷擾佢，今次係克勤提議嘅，佢唔想畀人知佢去咗嗰度，相信會去一段好長嘅時間。」
此外愛心爆棚的Eason眼見好友王菲為災民做了很多，自覺失色：「我同阿菲係互相影響，但我做得唔夠，幫災民起碼要六、七年，我只係舊年唱過歌，所以啲鄰居發起去四川睇下，我都想帶齊攝影器材去，希望用相片發揮影響力，（幾時成行？）唔知，只知工作排得好密。」另甚少緋聞的他被指跟已婚的謝安琪搭上，他笑言那「故事」加了幻想力，將兩個家庭變成六角關係，只好一笑置之。
志偉關淑怡碰頭
而被指與曾志偉生下兒子的關淑怡，與志偉碰頭時，不避嫌傾偈及擁抱。
另外，關楚耀所屬的環球唱片公司高層黃劍濤昨晚親口證實：「無錯關楚耀依家係上咗去做義工，佢都講過短期內唔會做任何演藝工作，今次只係做義工，係香港嘅慈善團體邀請佢，但所有詳情我唔想多講。」
文：影視組