本文重點
金牌大風集團主席鄭東漢前晚擺飯局，旗下藝人除方力申不在港缺席外，獨欠傳聞不續約的古巨基冇到，而被傳與鄭東漢不和被調職的黃栢高（Paco）雖列席，但逢飯局必high到醉的Paco，前晚竟罕有地冇飲醉！
鄭中基high爆
金牌飯局於10點已散席，三大巨頭鄭東漢、Paco和陳輝虹專誠讓記者影合照。問Paco有冇為調職不快？他望着老闆，說：「冇，老闆非常好，大家坐埋一條船，冇問題。」鄭東漢則否認和Paco不和：「梗係冇，佢做主席。（係咪栽培鄭中基做CEO？）佢邊有興趣做CEO。」而鄭中基離去時醉醺醺，明顯全晚最high一個。問是否會做CEO？他勁high搖頭擺腦說：「呢個問題呢……」助手即捉他上車。
前晚金牌眾藝人出席老闆飯局，鄧麗欣、傅穎、艾粒、梁漢文、蘇永康等全統一口徑指只是普通食飯，至於古巨基冇到，蘇永康反問：「點解呢？（唔續約？）呢啲要問高層。」梁漢文亦說：「唔知基仔過英皇。（你同方力申做一哥？）公司資源平均分配先運作到，希望基仔留低。」至於傳不和的鄧麗欣和傅穎分開到分開走。