高鈞賢攬女唔係拍拖

高鈞賢與一名女生在長洲遊玩時，被周刊拍下又拖又攬並頭黐頭的親密照片，昨日他向記者解釋兩人不是拍拖：「個朋友喺加拿大返嚟，唔係女朋友。（點形容同呢個女仔嘅關係？）朋友囉，不過感情幾好。（女仔攬住你喎？）當時企喺個劏魚地方，啲血濺埋嚟佢驚先撲埋我度。（擔遮時翹住你手？）把遮細啫。（頭黐頭呢？）我哋打緊機，嗰日去長洲其實有一大班人，只係周刊冇影啫，如果係拍拖我會認。（有冇畀公司照肺？）經理人有同我講，叫我唔係拍拖嘅話就要保持距離，我都覺得係。」