蔡卓妍（阿Sa）早前被指向男友鄭中基（Ronald）逼婚，昨日阿Sa沒好氣否認：「真係big fun！」黐得Ronald多的她都變了搞gag王，還自爆外婆不擔心她嫁唔出，只怕她冇身材。
甲型流感正蔓延，雖然阿Sa沒患病，但昨日都戴口罩到電台受訪，小心為上。對於被雜誌指向Ronald逼婚，阿Sa沒好氣說：「真係big fun！費事講，好笑囉！阿婆睇到雜誌話：『我一路好擔心卓妍身材，依家唔使擔心。』因為雜誌張相我有陰影（胸部），阿婆以前成日問媽咪點解唔煲木瓜湯畀我飲。」
恨上《美女廚房》
記者問廿六歲的阿Sa有冇結婚念頭？她說：「呢六、七、八年都唔結婚。（男友肯等？）天意安排。（會唔會逼婚？）唔會，我呢啲型㗎嘛！」再問Ronald有否求婚？阿Sa雙手抱頭說：「好頭痛！（唔想講大話所以唔答？）唔鍾意做嘢時講呢啲。」由於兩人戀情漸浮面，問阿Sa以後是否可以寫Ronald做男友，唔使加緋聞二字？阿Sa嬌羞說：「唔鍾意講到咁白，大家意會吓。」
至於方力申想找阿Sa做《美女廚房》嘉賓，可趁機玩Ronald，阿Sa苦笑說：「應該係玩我。（Ronald有冇搵你做嘉賓？）Ronald、小方、無綫都有，如果一定贏到十萬我就上節目，仲要畀十分我。」
英皇藝人派口罩
此外，英皇為提醒市民防範豬流感，會派出陳偉霆、泳兒、鍾舒漫、鄭希怡和關智斌於本周五下午五時，現身銅鑼灣派發二千個口罩及防流感小冊子。
採訪：音樂組