吳卓羲、苗僑偉、林峯於前晚播出的《星星同學會》中，大談有關他們的緋聞。官恩娜透露曾被某男藝人帶去沙灘約會，怎料該男藝人被踢爆之前都有帶其他女仔去沙灘，主持吳君如及錢嘉樂問吳卓羲是否就是該男子？吳卓羲即時否認，更指自己約女仔會去高級餐廳，好少到沙灘。
苗僑偉則被吳君如問到有否與合作女星撻着，他表示：「同梅艷芳有少少火花，係《香江花月夜》之前，而真正有火花嘅係三嫂，（咁袁詠儀呢？）同對手合作嘅時候，梗係會有感覺，但完咗就會抽番出嚟。」
曾被指整容的林峯，則笑指一直都不知道自己是單眼皮定雙眼皮，但不知是否近年拍古裝拉扯得多，又或者畫眼線畫得多，覺得自己的眼皮firm咗同勁咗。
