容祖兒前晚化身30年代古典美人拍攝新歌《搜神記》的MV，祖兒無懼豬流感（H1N1甲型流感）威脅，跟英日混血型男又抱又錫，祖兒抵死笑言：「睇佢個樣幾乾淨呀。」
祖兒在MV中以復古造型現身，配合現場放滿行李箱的火車月台及一輛1987年的英國古董的士，令人恍如置身三十年代。祖兒對這身造型相當滿意，直言希望能以此造型拍電影。導演請來一名英日混血型男跟祖兒合作，當傳媒要求二人擁抱拍照時，型男即主動攬着祖兒的纖腰，並跟她貼面影相。
自認老薑
問祖兒有否被型男的親熱舉動嚇倒？祖兒笑言：「驚！不過我都唔係嘢小㗎，我都係拍MV老薑喎。（甲型流感肆虐可會有親暱鏡頭？）都有錫面，不過係佢錫我面。（要佢個嘴消毒？）咁又冇，睇佢個樣都乾淨嘅。」
鼓勵阿嬌
提到鍾欣桐（阿嬌）在《志雲飯局》舞台版演出，但因太過緊張唱歌時口震震，祖兒力撐阿嬌的表現不錯，但因阿嬌上台前被陳志雲的說話感動，所以演唱時情緒較激動。而有指內地禁播阿嬌的專訪，對此祖兒表示：「當中有好多商榷空間，作為阿嬌朋友，我會鼓勵佢，努力用誠意做好工作。（但曝光機會變少？）呢段時間要繼續努力，無論點困難都要堅強面對。」
另外，日前祖兒在經理人Mani陪同下，與母親、細佬及一友人在中環掃貨，祖兒有如女王出巡般在時裝店穿梭，不消一會祖兒已大有斬獲，拿着戰利品離開。翌日，祖兒又與助手現身金鐘「大出血」，其後登上掛着「JY」車牌的座駕離開。
文：音樂組