阿姐與羅家英終於結婚，兩人的朋友都很興奮，就連阿姐舊愛何守信亦打從心底向阿姐說聲恭喜。
何守信：「我當佢哋結咗婚啦，不過當然戥佢哋開心，恭喜佢哋，（再見亦是朋友？）我同阿姐一段情係廿幾年前嘅事，我一早化晒，唔明周圍啲人點解仲覺得我哋會尷尬。我移民後返港係九四年，當時我同阿姐嘅事，大家都講得好清楚，最近喺電視城有碰面，我哋當然係朋友，希望佢兩個一切順利、一切平安。」
狄波拉：「開心到難以形容，我已經知道呢件事，祝佢哋永結同心，（送咩畀新人？）我身份好特別，因為阿姐係我女嘅契媽，我一定要同婷婷好好商量，婷婷好開心，因為佢好鍾意家英叔叔。（想阿姐結婚嗎？）當然想，我自己都嫁兩次，女人要結婚先覺得幸福。」
鄭裕玲：「我已經同阿姐通咗電話恭喜佢，當然戥佢哋開心，可以開花結果，（結果意思係想佢生仔嗎？）唔係，結婚咪就係結果囉，等阿姐返嚟我哋會請佢食飯，問佢鍾意乜嘢然後送畀佢。」
高志森：「好開心，個個都入我數，因為家英哥次次都喺我啲騷上向阿姐求婚，我當做咗佢哋嘅橋樑，要搞慶功賀賀佢。」
曾經與阿姐合唱《自由女神》的陳慧琳聞得阿姐喜訊，即恭喜對方：「自由女神依家要做倉底貨囉，呢兩個冇自由失自由嘅人，要搵過第二首歌。」