被指介入顧美華妹妹顧麗華婚姻的吳亭欣，連日來一直「潛水」，昨本來要出席《封神榜II》記者會，亞視因未能聯絡到她而臨時改由落選亞姐筱靖上陣，與徐自賢、姚佳雯、顏子菲及黃倩婷等齊齊以妲己造型亮相。
筱靖表示唔介意為吳亭欣「執手尾」，她說：「同佢ＯＫ熟，都有合作過。（有冇打過電話畀佢？）冇，係人哋嘅事。（信唔信吳亭欣？）人哋私事，不過佢處尷尬時刻仲要扮妲己，費事啦。（介唔介意執手尾？）冇所謂，工作啱邊個就邊個做，我冇尷尬嘢唔會唔做得。」
徐自賢就撐吳亭欣是好同事，為人友善，她說：「唔評論人哋私生活，我尊重佢個人，呢啲要佢自己講，旁觀者唔清楚、唔評論。」此外，姚佳雯、顏子菲異口同聲表示對事件不知情，揚言不會做第三者。另外，亞視公關部發言人區先生指吳亭欣缺席活動，未有聯絡公關部，不過她就向藝員部以私人理由請假，而問到吳亭欣會請假多久？區先生說：「請咗今日，佢暫時未有工作。」