楊千嬅昨日以「願望大使」身份出席假奧海城舉行的「願望成千故事及圖片展」活動，為患病兒童送上願望，千嬅坦言此刻最大願望是祈求香港不要爆發豬流感，她說：「我有好多朋友同以前啲護士同事喺醫院工作，佢哋都喺最前線，係最大壓力，希望大家畀啲支持佢哋！」
千嬅又透露下周三將啟程往武漢、北京和韓國工作，問她會否擔心受豬流感影響？千嬅說：「有咗之前『沙士』經驗，自己都有一套適當嘅認知，我會帶定口罩、消毒藥水同勤啲洗手，最重要早睡早起增強抵抗力！」
另外，對於老闆黎明對衞詩（Jill）口硬心軟保留經理人合約，千嬅謂沒有聽公司同事提及過，但不會評論公司決定：「我睇報道知道Jill近況，希望佢可以調理好自己身體，洞悉人生路向，只要自己唔好放棄自己，就冇人會放棄佢！」覺得黎明口硬心軟？她笑說：「真係唔知邊方面，我同佢開會都係傾公事，我直接表達，佢又會直接回答！」