本文重點
官恩娜（Ella）昨日以性感低胸造型，與黃家強出席鑽飾活動，當她抱實結他獻唱時，更見波濤洶湧。她在活動上全程面露笑容，但當被問到近日有指她情挑坐擁億萬身家的男友時，她即勞氣地說：「嗰個係我識咗十幾年嘅朋友，但只係幾個月先見一次。話錫嘴、拖手、胸壓同送車？部車係我自己分期付款買嚟獎勵自己嘅，全部（報道）都係捏造，因為好影響我形象，我要求佢哋（雜誌）澄清番，進一步我會考慮採取法律行動。」報道中指Ella激咀對方，她澄清只是給對方看手機中新買的小狗照片。
Ella又稱不會過問朋友的財政，故不知對方是否有億萬身家，亦不清楚對方是否單身。不過Ella斬釘截鐵說跟對方沒發展可能，因兩人是「兄弟」，也不會相識十多年後才發生感情。
家強與「死敵」開騷
黃家強七月將與屢傳不和的黃貫中（Paul）拍檔開演唱會，又贊成搵葉世榮做個唱嘉賓。家強表示一直沒有跟阿Paul「唔妥」：「又話我哋假擁抱，咁好戲，搵多幾部戲畀我拍啦！我好想拍許鞍華嘅電影。」問他可有見過傳聞中令兄弟不和的「導火線」朱茵？家強說：「上過Paul嘅Band房冇見過佢，可能佢忙或者唔鍾意同班『麻甩佬』一齊呢！」
文：音樂組