夏雨關注大腸健康

夏雨拍劇多年，飲食作息時間都不定，加上是「食肉獸」一族，最容易影響腸胃，最近夏雨應邀擔任「大腸癌關注大使」，積極提醒市民關注這個香港第二大癌症殺手。

除了幫人其實夏雨亦幫了自己：「以前恃住後生，會忽略大腸癌嘅嚴重性，其實佢比肺癌唔弱得幾多，我勸大家要保持良好嘅生活習慣，例如多做運動唔吸煙，少食肉多食高纖食物，過咗五十歲就更加要做定期檢查呀。」