本文重點
黎明（Leon）前晚由上海返港，再度發揮「金句王」本色為衞詩（Jill）解畫，他表示沒需要開記者會，似暗示Amusic會繼續留用Jill。而衞蘭（Janice）連日來都非常聽話，昨日錄完音又試衫，看來Leon大可暫鬆一口氣。
黎明前晚完成在上海拍攝的《十月圍城》工作後，即晚返港。約晚上十時，Leon穿上與出發時同一件衫，只是外加一件卡其色外套便匆匆出閘，現場約有十名fans接機，並收下大堆禮物。
在場十多名記者追問Leon有否跟Jill解約，他即睜大眼說：「你哋啲問題咁專業㗎？辛苦晒大家。」後來記者再三追問有關為Jill開記者會的傳聞，Leon終忍不住首度回應說：「我覺得無咁嘅需要呀！（係咪已終止合約？）太多傳言嘞！」Leon還引用違例泊車例子，說了一堆令人費解的話：「我覺得藝人被罰就好似定額罰款咁，就好似你哋違例泊車咁，梗係畀人抄牌啦！你哋會問係咪續約三年呀？終止合約呀？多謝大家。」之後便與助手等人上車離開。
衞蘭為新碟選戰衣
而Jill昨日則足不出戶，全日留在紅磡家中，相反家姐Janice卻忙個不停。約下午五時許，Janice穿上一件白恤衫及三個骨褲前往尖沙咀海港城Anteprima舖內試衫，據知她今趟是為新唱片造型挑選「戰衣」，廿分鐘後，Janice最後選了一套黑色及紅色的衫離開，再到中環雲明行進行錄音。
文：專案組