郭可盈為無綫拍新劇可謂大犧牲，為拍結婚靚場景，不惜爬高四十多呎抵受寒風，為安全起見，更主動叫工作人員托她屁股上桅杆，幸有呂良偉錫錫呵番。
可盈、阿呂、薛家燕等前日在仿古帆船「濟民號」拍《富貴門》煞科戲，可盈與阿呂要穿上禮服及婚紗站在四十五呎高的桅杆拍攝。由於當日天氣微寒又大風，露膊上陣的可盈經常依偎在阿呂身邊取暖。之後兩人在高空中拍了多次接吻鏡頭，並擺出《鐵達尼號》的經典甫士。
請食燕窩豆腐花
拍攝完畢後，可盈及阿呂在工作人員照顧下，小心翼翼由桅杆慢慢爬下來，正式結束全劇拍攝工作。之後阿呂拿出香檳慶祝，而家燕姐亦送上燕窩豆腐花慰勞工作人員。
事後可盈表示拍攝時不覺得凍，但卻被阿呂踢爆：「佢頭先凍到全身震，嘴唇發紫，我咪用件衫幫佢擋風，仲用體溫熱住佢。」
問可盈是否畏高？她說：「我冇畏高，但因為唔識游水，見到個海有啲驚。拍攝時用唔到安全帶，好在有呂哥攬住我條腰。我哋上去之前都要簽生死狀㗎，啲船員有教我上落技巧，我主動叫佢哋托住我屁股幫我。（犧牲好大喎！）拍出嚟效果咁靚，係值得嘅。」
不擔心染豬流感
近日豬流感來勢洶洶，阿呂與可盈拍戲由朝咀到晚，難道不怕受感染？阿呂說：「唔擔心，大家都咁健康，冇問題，個人好就冇事。」另外，家燕姐下月中會到廣州拍廣告，記者叮囑她小心身體，避免染上豬流感，家燕姐表示會注意衞生，少去公眾地方。
文：影視組 攝：林蔚恩