陳潔儀思想前衞唔結婚

陳潔儀（Kit）、萬芳、潘越雲昨日現身香港，為五月三十日於紅館的「情牽女人心」演唱會舉行記招，性感露bra的Kit說：「之前去咗讀書，因為未讀完書就入行，未做過嘢，上個月先辭咗公關公司顧問。」對於有傳Kit結婚產子，她就大叫不公平：「女藝人停工就生仔，三年都仲係大肚，激死，依家仲係嗰個男朋友。（結婚？）可能思想比較前衞。（生仔？）順其自然啦，有姪仔玩。」至於會否再次活躍娛樂圈？Kit坦言現在會選擇性工作，會考慮再拍攝劇集。