本文重點
宣萱昨以宮廷裝扮，力谷新劇《老婆大人Ⅱ》，她慨嘆現實中找不到像劇中老公陳錦鴻那樣的好男人之餘，又出力催谷同場的緋聞男女鄧健泓與李詩韻，使二人公然打情罵俏，大耍花槍。
宣萱、陳錦鴻、鄧健泓、李詩韻、唐詩詠及王凱韋，昨日分別扮成三對新人，以婚禮方式宣傳新劇，三位新郎哥公開愛的宣言，宣萱笑言只有鄧健泓向李詩韻講愛的宣言才有意思。及後鄧健泓在玩遊戲時索性豁出去，在鬥吃吊起來的棉花糖時，沒有避忌的以口部碰觸詩韻胸口。
鄧健泓事後解釋：「我想贏至玩得投入，諗住咬甩棉花糖會好型，點知跌晒落地，我依家最緊要努力搵錢，買樓娶老婆，我年紀大，生仔要把握呢幾年。」李詩韻插嘴說：「我冇諗呢啲喎，細個就想喺主題公園搞婚禮，但拍劇都實現咗，已經好滿足，第時結婚簽個字就可以，唔使鋪張，我係咪好平靚正呢？」鄧健泓說：「我想嘔！」
宣萱嘆好老公難搵
對於這對公然打情罵俏的緋聞男女，宣萱說：「佢哋年輕，可能想專注事業發展，當年我廿幾歲都冇諗拍拖，依家就發覺好難搵對象。陳錦鴻未結婚時話我嫁唔出會啃埋我，依家我戥佢老婆杜雯惠幸福，我試過開工聽到錦鴻講電話，佢會安排老婆三餐，真係好Sweet，好似錦鴻EQ又高又體貼，現實中真係好難搵㗎，我惟有再等啦。」
文：影視組