昨日Mandy Lieu以束胸款上衣谷胸出席內衣騷，力鬥示範內衣兼擁有E Cup上圍的椋名凜，二人平分「春」色，可憐同場的Amanda S.雖以Deep V上陣，依然冇厘睇頭。
昨日Mandy與Amanda為內衣品牌Triumph新店揭幕及擔任剪綵嘉賓，同場安排了兩位女模，其中有「日版Paris Hilton」椋名凜（Rin）以性感內衣天使造型示範內衣，大騷E Cup逼爆身材。
面對「胸」猛的女模，Mandy以束胸款上衣谷胸上陣，力挽狂瀾，雖然Amanda以Deep V對撼，無奈身材平平無奇，相形見絀。
上圍唔使咁大
身穿束胸上衣的Mandy不覺尷尬，最緊要效果靚，她滿意上圍，毋須再push up，問她想不想擁有Rin的豐滿上圍？Mandy笑言：「我好滿意自己，唔使咁大，不過，睇到都會欣賞，因為我冇咁嘅身材。」談到內衣款式，她說要睇心情，男友陳柏霖喜歡她穿甚麼款式？Mandy冧爆地說：「佢乜都鍾意。（佢會陪你買內衣﹖）佢冇所謂，但我鍾意自己揀，可以畀佢驚喜。」
不過說到行內衣騷，Mandy就有所保留，雖然男友甚麼也支持她，但都要有style。
騷內衣損形象
同場的Amanda自認輸蝕，她自知上圍不大，但喜歡自然的她，平時也只會用push up bra。行騷不介意性感的她，堅拒行內衣及泳衣騷，怕影響形象，且身在台灣的婆婆及媽咪會不喜歡，即使多多錢也不考慮。
而首度行內衣騷的Rin感到緊張及尷尬，對雜誌指她批評周秀娜身材不及自己，她說沒有接受過該雜誌訪問，不過不忘大讚周秀娜身材好，至於二人哪個較好？她說：「我覺得自己係最好嘅！」
文：名人組