G.E.M.（鄧紫棋）昨日穿上首次創作的金魚DIY Tee出席活動，母親節當日G.E.M.將於美國灌錄新碟，她說：「我會將呢件Tee同另一件都係DIY嘅Tee，連同一紮花速遞畀媽咪，等佢有個驚喜。」
G.E.M.對雜誌指她到圈外男友家中過夜，她否認到朋友家中過夜，她說：「嗰個都係唱歌啲朋友，每次都係成班朋友上去，我從來唔會喺出邊過夜，屋企都唔會畀，我一直同屋企人住，（驚唔驚影響形象？）我真係冇做過，唔會畀佢哋影響到心情，我將精神集中喺音樂上，唔會因呢啲報道令自己唔開心。」G.E.M.表示家人一向對她行蹤瞭如指掌，她說：「所以屋企人都知唔係真嘅。」
