謝安琪（Kay）前晚以黑色tube dress現身郵輪，與著名男高音莫華倫合作獻唱歌劇，更獲莫華倫大讚表現出色。Kay說：「我話冇學過，莫華倫話我呃佢。」Kay又稱莫華倫有機會擔任其演唱會嘉賓，她說：「佢好好人，仲話第一次同香港歌手合作，口頭應承咗我做演唱會嘉賓。」
此外，Kay與老公張繼聰（Louis）再度傳出婚變，Kay笑着否認：「我都唔知自己婚變，唔戴婚戒因為工作有時會除低，唔敢戴出街，始終紀念價值重要啲。」Kay自稱曾遺失婚戒，幸好失而復得。她謂：「試過唔見咗，搵咗好耐先搵得番。（Louis有冇戴？）佢有，女仔唔同，佢好明白，冇嬲。（會唔會戴番？）鑽石戒指驚撞到人，整親小朋友。」她強調夫妻感情良好，雖然近期忙於綵排個唱，但老公就會替她調節輕鬆心情。