狄波拉以一身黃色打扮與老公鬍鬚Kong到場。對於兒子謝霆鋒與新抱仔張栢芝新居入伙，她坦言不會幫手。拉姑說：「佢哋有佢哋天地，交番畀新抱仔去搞，每個女主人都有自己天地，其他人唔應該插手，但如果入伙拜神要幫手就可以問我。」
問拉姑會送甚麼入伙禮物？她表示由霆鋒及栢芝自己去選擇。當提到孫仔Lucas的物品和玩具要用幾部貨車運載時，拉姑即興奮地說：「係呀，好多人送禮物畀孫仔，多到玩唔晒，栢芝已捐咗好多去慈善機構。（栢芝係咪想追多個？）係！愈多孫愈好。」
有指謝婷婷與安志杰拍拖及同居，拉姑聞言反應甚大，更反問記者：「婷婷依家幾多歲？二十幾啦，大個女啦！呢啲嘢唔好由父母去講，咁大個女拍拖都好正常啫。」
