廖啟智與劉雅麗日前現身新城電台受訪，宣傳兩人有份參與的舞台劇《真係阿姐——汪明荃》，智叔笑說：「我同阿麗冇對手戲，我哋分開對付阿姐，但阿姐好玩得，講對付都唔會嬲！」智叔透露，劇情講阿姐的經歷，當中有阿姐不為人知的一面：「綵排過程中更了解阿姐（幫阿姐平反『惡』指控？）惡係形象，唔使平反，係都係阿姐自己平反，其實做好本分就知阿姐只係高要求，驚嘅係心虛。」
雅麗指阿姐很緊張身邊人，嚴格是為後輩着想，她又爆阿姐可愛一面：「原來女人對住心愛嘅人，會展露可愛一面，見到阿姐對住羅家英會跳吓跳吓，仲幫家英哥攬頸巾，真係未見過。」
